Heili, heilo

Pfälzer Mundart Lied

 

Was hammer dann for Metzjer
in unsrer alde Stadt?
Die Metzjer, die sin Galjestrick,
an jeder Worscht, do fehlt e Stick.

Was hammer dann for Bäcker
in unsrer alde Stadt?
Die Bäcker, die sin Lumpehund,
an jedem Brot, do fehlt e Pund.

Was hammer dann for Schneider
in unserer alde Stadt?
Die schneiden häämlich ab e Pläckel,
des gebt fors Kind e Sunndagsreckel.

Was hammer dann for Gauner
in unserer alde Stadt?
Die klääne, die wern feschtgenumm,
die große laafen frei erum.

Was hammer dann for Schutzleit
in unserer alde Stadt?
Die schlaan glei druff
mi'm Gummiknippel,
dann an ehrm Grips,
do fehlt e Schnippel.

Was hammer dann for Stadtrat
in unsrer alde Stadt?
Im Stadtrat hocken lauter Dappes,
un was die bringen, is bloß Kappes.

Was hammer dan for Stroße
in unserer alde Stadt?
Seit Johre sin se uffgeriß
un oft noch vun de Hund verschiß.

Was hammer dann for Haiser
in unserer alde Stadt?
Die Maurer baun mit Beton jetz
ganz aarisch hohe Betonkletz.

Was hammer dann for Alde
in unserer alde Stadt?
Die hocken nerjends uff'rer Bank.
Die Autor machen zuviel G'stank.

Was hammer dann for Stadtwald
um unser aldi Stadt?
Die Bääm sin fascht all abgesäät.
Des dut de Lautrer aarisch lääd.

Was hammer dann for Kinner
in unsrer ald Stadt?
Die Kinner sin
all ei'gesperrt,
weil's uff de Stroß
zu g'fährlich werd.

Was hammer dann for Sänger
in unserer ald Stadt?
Die singen liewer englisch als
wie alde Lieder aus de Palz.

wanderkarten pfalz


Pfalz Wanderkarten

Unter www.pfalzando.de können Sie Wanderkarten und Wanderführer für den Pfälzerwald und die Pfälzer Jakobswege bestellen.

pfälzer mundart musik cd