's Haibel

Pfälzer Mundart Lied

 

Mei Schätzel, der dut stricke.
Er strickt so manchi Nacht.
Er strickt for mich e Haibel,
's isch noch nix ausgemacht.

Vun Seide isch des Haibel,
vun Sammet isch die Schnur.
Bischt du mei liewes Schätzel,
so bin dei Härle zu!

Ich will mei Hoor nit binde,
ich will se flieje lan,
ich will noch denne Summer lang
als frehlich danze gahn.

Dort drowwe uffm Bergl,
do steht e scheenes Haus,
do gucken alle Morge
drei scheene Herre raus.

Der erscht, der isch en Schneider,
der zwätt, der isch en Edelmann,
der dritt en stolze Schreiwer,
un dene wollt ich han.

Dort drowwe uffm Bergl,
do stehn zwää Bäumelin.
Des ääne trägt Muschkade,
des zwätt Braunnägelin.

Ganz sieß sin die Muschkade,
Braunnägelin sin räß,
die geb ich meim Feinsliebche,
daß es mich nit vergeß.

Hab deiner nie vergesse,
hab allzeit an dich denkt.
Du henksch mer an meim Herzl,
wie d' Ros am Stiel dra henkt.

Uff dere Wies dort drunne,
do geht e Miehlerad,
des mahlt jo lauter Liebe
vum Owend bis zum Dag.

Des Miehlerad isch broche,
die Liebe hot noch kää End.
Wann sich zwää Schätzel scheiden,
do gewwen se sich die Händ.

Ach, Scheide iwwer Scheide
isch gar e bittres Kraut,
un wann ich wißt, wo's wachse dut,
die Worzel grab ich aus.

wanderkarten pfalz


Pfalz Wanderkarten

Unter www.pfalzando.de können Sie Wanderkarten und Wanderführer für den Pfälzerwald und die Pfälzer Jakobswege bestellen.

pfälzer mundart musik cd