Pälzer Buwe
Ich bin en echder Pälzer Bu,
de stärkscht vun unsrer Gass,
un wer die Pälzer Buwwe kennt:
Des is e edli Rass!
E Kraache un e Schleppche,
ei, des is uns viel zu dumm!
Mer fahrn de liewe lange Dag
im Chausseegrawe rum.
Unn wann zwä Pälzer Hännel han,
des is ä wahri Frääd.
E Fremder, wo voriwwer geht,
vergesst's sei Lebdach net.
Die Werter, wo do fallen
riwwer-niwwer iwwer de Disch,
die stehn jo in kämm Lexikon
die sinn jo noch ganz frisch!
Refrain:
Horsch do mol hie!
Des klingt ganz pälzerisch
holderiaho!
Voller Witz un voller Schneid
so babble do die Leit.
Vor so'rer Ausdrucksweis
hat jedermann Reschpekt!
Des is un bleibt e unverfälschder
Pälzer Dialekt!
Ei, du Bankert, ei du Schäler,
ei du Rindvieh, du Kamel,
Du bisch mer jo noch ääner,
ei, was gucksche dann so schääl?
Mei Liewer, du hasch heit jo noch kää
Kannelwasser g'sof,
wann ich dich am Schlwaittschel nemm,
dann saufsch awwer doch!
Refrain:
Horsch do mol hie!
Des klingt ganz pälzerisch
holderiaho!
Voller Witz un voller Schneid
so babble do die Leit.
Vor so'rer Ausdrucksweis
hat jedermann Reschpekt!
Des is un bleibt e unverfälschder
Pälzer Dialekt!
Zwää Buwe speilen Klickerchers
un krien minanner Krach.
"Hää! Gebb mer mol mei Klicker her,
sunscht kriesche ää uffs Dach!
Ich duh der dei Bollincher butze,
bis de Sterncher siehsch
un träät der in dei Klicker nei
bis daß de määnsch, du fliesch.
Refrain:
Horsch do mol hie!
Des klingt ganz pälzerisch
holderiaho!
Voller Witz un voller Schneid
so babble do die Leit.
Vor so'rer Ausdrucksweis
hat jedermann Reschpekt!
Des is un bleibt e unverfälschder
Pälzer Dialekt!
Pfalz Musik CDs
In der Pfalz Buchhandlung erhalten Sie Pfälzer Mundart Musik CDs von Kurt Dehn, Kurt Kotterer, Pfälzer Wind, Pälzer Helde, Reinig, Braun + Böhm, Van de Palz...
Kommentare
www.pfalz-buchhandlung.de/x/Musik/Duo-Pfaelzer-Wind-Otto-und-Christa-Reichert::601.html
und vom Frank Petersen gibt es auch eine Version:
www.pfalz-buchhandlung.de/x/Musik/Frank-Petersen-Zum-Wohl-die-Pfalz::1186.html