De Handschuhsheimer Guckuck
De Guckuck, der muß sterwe,
gebraate muß er sein.
Zu Hendese is Kerwe,
do lose mer de Wein.
Do kleppre se mit Stange
zum Dal naus, jung un alt,
de Guckuck eisefange
beim Hollermann im Wald.
Wu der sich dout hot g'schosse,
hockt seller uff'm Baam
un kreischt un mächt sei Bobsse:
Ehr Dabbes, dabbt nor haam!
Freßt liewer Schweineknechel
mit Sauerkraut un Worscht
un braat eich ann're Vechel,
wann Kerwe isch, zum Dorscht.
Dort könnt eher rum eich holze
un danze um die Linn,
mit eire Keetse rollse,
doch ich bleib, wu ich bin.
De Guckuck legt eich selwer
die Eier als ins Nescht.
Drum schlachten eier Kälwer
for flotte Kerwegäscht.
Un wollt ehr Elwetritsche
eich fange, geht nor haam,
daß die eich net entwitsche
un werge bei de Naacht.
Pfalz Musik CDs
In der Pfalz Buchhandlung erhalten Sie Pfälzer Mundart Musik CDs von Kurt Dehn, Kurt Kotterer, Pfälzer Wind, Pälzer Helde, Reinig, Braun + Böhm, Van de Palz...
Kommentare