Pälzer Hasejagd

Text: Karl Gottfried Nadler - Melodie: Jäger aus Kurpfalz

Mir Jäger aus de Palz,
mit Pälzer knalle froh un frisch
uf Hersch un Reh un Kieh,
uf Bääm un Heckebisch.
Juja! Juja!
Wann unser Blei verschosse is
Un's Bulverhorn is leer,
dann knalle mir nimmermehr.

Im Feld, im griene Klee,
do streckt e Has sei Leffel raus
un hält sein Middagsschloof.
O Has, mit dir is' aus!
Juja! Juja!
Jetzt lad e jeder g'schwind sei Flint
mit Bulver un mit Schrot
un schießt des Häsel dot.

Geknallt muß bei uns sei,
un sollt de Deiwel uf Stelze geh!
Bibb-baff, biff-baff, bum-bum!
Wie is das Knalle schee!
Juja! Juja!
Wann unser Blei verschosse is
un's Bulverhorn is leer,
dann knalle mir nimmermehr.